Is sinne Cumann Carad na Gaeilge. Sa 19ú haois, nuair a bunaíodh ár gcumann, ba í "grá na Gaeilge" an chiall do "Philo-Celtic" i measc na nGael i Meiriceá.
Thosaigh Mícheál Ó Lócháin ár ngníomhaíochtaí le ranganna Gaeilge i mBrúiclinn i 1872 agus ár n-iris "An Gaodhal" i 1881, agus sa dóigh sin bhunaigh sé an ghluaiseacht Ghaeilge i Meiriceá. Idir 1872 agus 1893, d'fhás ár n-eagraíocht, ár gcraobhacha, agus cumainn neamhspleácha le "Philo-Celtic" orthu ar fud Mheiriceá. Tugadh "The Gaelic League" ar ár ranganna. Tháinig Dubhghlas de hÍde go Nua Eabhrac chun ár n-eagraíocht agus ár ranganna a fheiceáil i 1891. I 1893, bhain sé áis as ár gCumann mar a shamhail chun Conradh na Gaeilge a bhunú in Éirinn. An ghlúin ar mhúin Conradh na Gaeilge dóibh idir 1893 agus 1916, ba í an ghlúin í sin a chuaigh chun tosaigh i dtionscnamh stáit nua-aimseartha na hÉireann.
Fuair Mícheál Ó Lócháin bás i 1899. Scoir foilsitheoireacht "An Gaodhal" i 1904. Mheathlaigh ár n-eagraíocht tríd an fichiú haois. Ach táimid ar ais anois, ag obair do athbheochan na Gaeilge ar fud an domhain. Má's maith leat oibriú linn, téigh i dteagmháil linn.
Le gach dea-ghuí,
Gearóid Ó Ceallaigh / Jerry Kelly
Rúnaí Poiblíochta / Publicity Secretary
Cumann Carad na Gaeilge / The Philo-Celtic Society
R-phost: Téigh go https://groups.io/g/philo-celtic-society agus tar isteach i bpobal ár scoile.